«RILK «Qurilishmashlizing» AJ maqsad va vazifalari

«RILK «Qurilishmashlizing» AJ (keyingi o’rinda Kompaniya) O’zbekiston Respublikasi Prezidentining 18.06.2014 dagi PQ-2190 sonli Qaroriga muvofiq Aksiyadorlik jamiyati shaklidagi “«Qurilishmashlizing» Respublika ixtisoslashtirilgan lizing kompaniyasi” tashkil etildi.

O’zbekiston Respublikasi Prezidentining 18.06.2014 yildagi PQ-2190 sonli Qarorida belgilangan asosiy vazifalar bilan birga Kompaniya faoliyatiga quyidagilar kiradi:

• marketing tadqiqotlarini olib borish, qurilish texnikasi, mashinalar va mexanizmlari, kichik mexanizatsiya hamda maxsus transport vositalarini lizing asosida etkazib berish uchun qurilish tashkilotlarining talabnomalarini yig'ish, umumlashtirish va taxlil etish;
• mahalliy va xorijiy korxonalarda o'z mablag'lari va boshqa moliyalashtirish manbalari hisobidan qurilish materiallarini ishlab chiqarish va sotib olish buyurtmalarini qonunga muvofiq joylashtirish;
• joylashtirilgan buyurtmalarga asosan ishlab chiqarilgan va etkazib berilgan qurilish texnikasini birinchi navbatda qurilish-pudrat tashkilotlar reestriga kiritilgan tashkilotlarga shartnoma asosida lizing yoki ijaraga berish;
• qurilish texnikasini harid qilish uchun maqsadli topshiriq bilan kompaniya resurslarini shakllantirish uchun mablag'larni, shu jumladan chet el banklari va boshqa xalqaro moliyaviy institutlarning kredit liniyalarini jalb etish.

Kompaniya tijorat tashkiloti bo'lib, uning asosiy maqsadi moliyaviy-xo'jalik faoliyatidan daromad olish hisoblanadi.